Biz uzun fasilədən sonra yenidən Premyer Liqaya qayıtmışıq. "Kəpəz"sevərlərin gücünü göstərməsi və doğma klubuna dəstək olması üçün "Kapaz100K" layihəsini başlamışıq. Toplanan vəsaitlə klubumuza avtobus alacağıq.
Hazırda biz də bəzi klublar kimi, avtobusu icarəyə götürürük. Kluba avtobusun alınması nəqliyyat xərclərimizi minimuma endirəcək. Layihənin maraqlı və fərqli tərəfi isə odur ki, virtual stadionda istədiyin ölçüdə piksel alaraq öz şəklini yerləşdirə bilərsən. Layihənin yekununda həm stadionun ərazisindəki lövhədə, həm də alınacaq avtobusun üzərində stadionun şəkli yerləşdiriləcək.
Əsl 12-ci oyunçu olduğunu göstərməyin tam zamanıdır!
